ಜಿಲ್ಲಾಮಟ್ಟದ ವಿಜ್ಞಾನ ನಾಟಕ ಸ್ಪರ್ಧೆ - 2015

ದಿನಾಂಕ 04-09-2015ರ ಶುಕ್ರವಾರ ಮೈಸೂರು ಡಯಟ್ ನ ನೃಪತುಂಗ ಸಭಾಂಗಣದಲ್ಲಿ ಪ್ರೌಢಶಾಲಾ ವಿದ್ಯಾರ್ಥಿಗಳಿಗಾಗಿ ಮೈಸೂರು ಜಿಲ್ಲಾಮಟ್ಟದ ವಿಜ್ಞಾನ ನಾಟಕ ಸ್ಪರ್ಧೆ ನಡೆಯಿತು. ಕಾರ್ಯಕ್ರಮದ ಉದ್ಘಾಟಿಸಿ ಮಾತನಾಡಿದ ಡಯಟ್ ಪ್ರಾಂಶುಪಾಲರಾದ ಶ್ರೀ ರಘುನಂದನ್ ಅವರು ಮಾತನಾಡುತ್ತಾ..'ಪ್ರತಿಯೊಬ್ಬ ವ್ಯಕ್ತಿ ಮುಸುಕಿನೊಳಗೆ ಬದುಕುತ್ತಿರುತ್ತಾನೆ. ಮುಖವಾಡ ಧರಿಸಿಕೊಂಡು ಬದುಕುತ್ತಿದ್ದೇವೆ ನಾವೆಲ್ಲ. ನಾಟಕ ಬಿಟ್ಟು ಯಾರೂ ಬದುಕುತ್ತಿಲ್ಲ. ನಮಗೆ ಗೊತ್ತಿಲ್ಲದೆ ಅಭಿನಯಿಸುತ್ತೇವೆ. ಗೊತ್ತಿಲ್ಲದೆ ಪಾತ್ರ ಧರಿಸುತ್ತೇವೆ, ವೇಷಭೂಷಣ ಬದಲಾಯಿಸುತ್ತಿರುತ್ತೇವೆ. ಪ್ರತೀ ಸಂದರ್ಭದಲ್ಲಿಯೂ ವೇಷ ಹಾಕಿಕೊಳ್ಳುತ್ತೇವೆ. ಮಾತಿನಲ್ಲಿ ಬದಲಾವಣೆ ಮಾಡುತ್ತಿರುತ್ತೇವೆ, ನಾವಾಡುವ ನಾಟಕವನ್ನು ನಾವೇ ನಿರ್ದೇಶಿಸುತ್ತೇವೆ ಇಲ್ಲ ಸಮಾಜ ಅದನ್ನು ನಿರ್ದೇಶಿಸುತ್ತದೆ.

ಭಾಷಾ ಶುದ್ಧತೆಗೆ, ಭಾಷಾ ಪ್ರೌವೀಣತೆಗೆ ರಂಗಭೂಮಿಗಿಂತ ಮೀರಿದ ಇನ್ನೊಂದು ಮಾಧ್ಯಮವಿಲ್ಲ' ಎಂದರು.

 ಕಾರ್ಯಕ್ರಮವನ್ನು ಉದ್ಘಾಟಿಸುತ್ತಿರುವ ಡಯಟ್ ಪ್ರಾಂಶುಪಾಲರಾದ ಶ್ರೀ ರಘುನಂದನ್

ಈ ನಾಟಕೋತ್ಸವದಲ್ಲಿ ಜಿಲ್ಲೆಯ ಒಂಬತ್ತು ತಾಲೂಕುಗಳಿಂದ ಬಂದ ತಂಡಗಳ ಮಕ್ಕಳು ಪ್ರದರ್ಶನ ನೀಡಿದರು. ಅವುಗಳಲ್ಲಿ ಪ್ರಥಮ ಸ್ಥಾನ ಪಡೆದು ವಿಭಾಗಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದು ನಮ್ಮ ಶಾಲೆಯ ಮಕ್ಕಳು ಅಭಿನಯಿಸಿದ "ಭೂಮಿಗೆ ಜ್ವರ ಬಂದಿದೆ" ನಾಟಕ. ನಾಗೇಶ ಹೆಗಡೆಯವರ ಪುಸ್ತಕ 'ಕೊಪೆನ್ ಹೇಗನ್ ಋತುಸಂಹಾರ " ಕೃತಿಯನ್ನು ಆಧರಿಸಿ ನಾಟಕ ರಚಿಸಿ ನಿರ್ದೇಶಿಸಿದ್ದು ಸಂತೋಷ ಗುಡ್ಡಿಯಂಗಡಿ. ಪ್ರಥಮ ಬಹುಮಾನವಲ್ಲದೆ ಭೂಮಿತಾಯಿ ಪಾತ್ರ ಮಾಡಿದ ಸೌಂದರ್ಯ ಎಂ. ವಿ.ಗೆ ಉತ್ತಮ ನಟಿ,  ನಾಗೇಶ ಹೆಗಡೆಯವರಿಗೆ ಉತ್ತಮ ನಾಟಕ, ಸಂತೋಷ ಗುಡ್ಡಿಯಂಗಡಿಗೆ ಉತ್ತಮ ನಿರ್ದೇಶನ ಬಹುಮಾನಗಳು ಬಂದವು. ಎರಡನೇ ಬಹುಮಾನವನ್ನು ಸರ್ಕಾರಿ ಪ್ರೌಢ ಶಾಲೆ, ಕಿತ್ತೂರು ಪಿರಿಯಾಪಟ್ಟಣ ಶಾಲೆಯ ಮಕ್ಕಳು ಪಡೆದುಕೊಂಡರು. ಮೂರನೇ ಬಹುಮಾನವನ್ನು ಮಯ್ಸೂರಿನ ಮಹಾರಾಜ ಬಾಲಕರ ಸರ್ಕಾರಿ ಪ್ರೌಢ ಶಾಲೆಯ ಮಕ್ಕಳು ಪಡೆದುಕೊಂಡರು.

 ಭೂಮಿಗೆ ಜ್ವರ ಬಂದಿದೆ ನಾಟಕದ ದೃಶ್ಯ

  ಭೂಮಿಗೆ ಜ್ವರ ಬಂದಿದೆ ನಾಟಕದ ದೃಶ್ಯ

 ಭೂಮಿಗೆ ಜ್ವರ ಬಂದಿದೆ ನಾಟಕದ ದೃಶ್ಯ

ಪ್ರಥಮ ಬಹುಮಾನ ಸ್ವೀಕರಿಸುತ್ತಿರುವ ಹೆಗ್ಗಡಹಳ್ಳಿ ಶಾಲೆಯ ಮಕ್ಕಳು

ಉತ್ತಮ ನಟಿ ಬಹುಮಾನ ಸ್ವೀಕರಿಸುತ್ತಿರುವ ಸೌಂದರ್ಯ ಎಂ. ವಿ.

ಪ್ರಥಮ(ಕೆಳಗಿನ ಸಾಲು), ದ್ವಿತೀಯ(ಮಧ್ಯ), ತೃತೀಯ(ಮೇಲಿನ ಸಾಲು) ಬಹುಮಾನ ಪಡೆದ ಮಕ್ಕಳು

ಅಬ್ದುಲ್ ಕಲಾಂ ಪಾತ್ರ ಮಾಡಿದ ವಿದ್ಯಾರ್ಥಿಯೊಬ್ಬನ ಜೊತೆ ನಮ್ಮ ಶಾಲೆಯ ಮಕ್ಕಳು